روزنامہ تکمیل ہر خبر کی دلیل
اسلام آباد: وزیراعظم عمران خان نور خان ائیر بیس سے روس کے دو روزہ دورہ پر روانہ ہوگئے۔صدر پیوٹن اور وزیر اعظم عمران خان کی ملاقات اس دورہ کا اہم ترین جزو ہوگا۔
طویل عرصہ کے بعد کوئی پاکستانی وزیراعظم روس کا دورہ کر رہے ہیں۔ روسی وزیر خارجہ ایئر پورٹ پر ان کا استقبال کریں گے۔ عمران خان کل ماسکو میں گمنام سپاہیوں کی یاد گار پر جائیں گے جہاں انہیں گارڈ آف آنر پیش کیا جائے گا۔
دورہ کے دوران اہم وفاقی وزراء بھی وفد کا حصہ ہیں جن میں شاہ محمود قریشی ، حماد اظہر ، فواد چوہدری اور معید یوسف شامل ہیں۔
کل 24 فروری کو وزیراعظم عمران خان اور روسی صدر پیوٹن کے درمیان دوبدو ملاقات ہوگی، جس میں دو طرفہ امور ، خطے کی صورتحال اور خصوصاً افغانستان کی صورتحال پر غور ہوگا۔ ملاقات کے بعد وفود کی سطح کے مذاکرات ہوں گے، جن میں مختلف شعبوں میں تعاون پر باہمی یادداشت کے معاہدے کئے جائیں گے۔ملاقات میں روس پاکستان دوطرفہ تعلقات خصوصاً توانائی شعبے پر بات چیت ہوگی۔
وزیراعظم ماسکو میں پاکستانی بزنس مین اور تاجروں سے ملاقات کریں گے۔ اس کے علاؤہ وزیر اعظم ماسکو میں روس کی سب سے بڑی مسجد و اسلامک سنٹر کا دورہ کریں گے۔۔
وزیر اعظم کا دورہ، روس اور پاکستان کے دو طرفہ تعلقات کو مزید مستحکم کرے گا
