روزنامہ تکمیل ہر خبر کی دلیل
یورپی یونین کے نمائندہ خصوصی برائے انسانی حقوق ایمون گیلمور نے جی ایچ کیو میں آرمی چیف جنرل قمر جاوید باجوہ سے ملاقات کی۔ جس میں باہمی دلچسپی کےامور، افغانستان کی صورتحال سمیت علاقائی سلامتی اور یورپی یونین کیساتھ دو طرفہ تعلقات پر گفتگو کی گئی۔
پاک فوج کےشعبہ تعلقات عامہ آئی ایس پی آرکےمطابق آرمی چیف جنرل قمر جاوید باجوہ سے یورپی یونین کے نمائندہ خصوصی برائے انسانی حقوق ایمون گیلمور نے جی ایچ کیو راولپنڈی میں ملاقات کی، آئی ایس پی آر کہا کہنا ہے کہ ملاقات میں باہمی دلچسپی کےامور، مجموعی علاقائی سلامتی بالخصوص افغانستان کی انسانی صورتحال پر تبادلہ خیال کیا گیا، اس کے علاوہ یورپی یونین کے ساتھ سفارتی تعلقات پر بھی گفتگو کی ہوئی۔ آرمی چیف جنرل قمر جاوید باجوہ نے کہا کہ پاکستان یورپی یونین کے ساتھ تعلقات کو قدر کی نگاہ سے دیکھتا ہے، پاکستان یورپی یونین کے ساتھ مختلف شعبوں میں کثیر النوعیت تعلقات کو بڑھانے کیلئے پرعزم ہیں۔ ایمون گلمور نے خطے میں امن و استحکام کیلئے پاکستان کی کوششوں کو سراہتے ہوئے یقین دھانی کرائی کہ وہ یورپی یونین اور پاکستان کے تعلقات میں مزید بہتری کیلئے اپنا موثر کردار ادا کریں گے
