روزنامہ تکمیل ہر خبر کی دلیل
Related Articles
ادارہ شماریات کے مطابق گزشتہ ماہ کے دوران مہنگائی میں 1اعشاریہ 15 فیصد کا اضافہ ہوگیا،ماہانہ بنیادوں پر مہنگائی کی مجموعی شرح 12.24 فیصد تک پہنچ گئی فروری 2021 کے دوران مہنگائی کی شرح 8.7 فیصد تھی، سالانہ بنیادوں پر مہنگائی میں 3.54 فیصد کا اضافہ ریکارڈ کیا گیا، رواں مالی سال جولائی سے فروری مہنگائی کی شرح 10.52 فیصد رہی
ایک سال میں ٹماٹر کی قیمت میں مجموعی طور پر 310 فیصد سے زائد کا اضافہ ہوا،خوردنی تیل کی قیمت میں 41.03، ویجیٹیبل گھی 38.82، دال مسور 38.42، سبزیوں کی قیمت میں 33.31، گوشت 23.64 ، چاول 11.89 فیصد مہنگا ہوا۔شہری علاقوں میں جنوری 2022 کے مقابلے میں فروری میں یعنی ایک ماہ میں ٹماٹر 191.72 فیصد مہنگے ہوئے، مرغی کی قیمت 11.61 فیصد، سبزیاں 10.69 ، پھل 7.32، مسٹرڈ آئل 5.33 ، ویجیٹیبل گھی 2.68 فیصد، کوکنگ آئل کی قیمت میں 2.37 فیصد اضافہ ہوا۔ادارہ شماریات کے مطابق دیہی علاقوں میں ایک ماہ میں ٹماٹر 198.35 فیصد مہنگے ہوئے، مرغی کی قیمت میں 8.73 فیصد، سبزیاں 10.69 اور کوکنگ آئل 3.74 فیصد مہنگا ہوا۔
