روزنامہ تکمیل ہر خبر کی دلیل
Related Articles
سپریم کورٹ نے ایم سی بی نجکاری کے خلاف نیب اپیل پر سماعت کرتے ہوئے لاہور ہائی کورٹ کو تین ماہ میں دائرہ اختیار پر فیصلہ کرنے کا حکم دیتے ہوۓ کہا ہے کہ لاہور ہائی کورٹ فیصلہ کرے کہ ایم سی بی کی نجکاری کی تحقیقات کا اختیار نیب کو ہے کہ نہیں۔ کیس کی سماعت چیف جسٹس کی سربراہی میں تین رکنی بینچ نے کی۔ دوران سماعت ایڈیشنل پراسیکیوٹر نیب نے جہانزیب بھروانا نے عدالت عظمیٰ سے لاہوری ہائی کورٹ کا حکم امتناعی ختم کرنے کی استدعا کرتے ہوۓ دلائل دئیے کہ نیب نے نجکاری کے خلاف انکوائری سپریم کورٹ کے حکم پر شروع کی،ایم سی بی کی نجکاری خلاف ضابطہ ہوئی ہے۔چیف جسٹس آف پاکستان نے اس موقع پر ریمارکس دئیے کہ سپریم کورٹ کے سامنے دائرہ اختیار کا ہے کیس کے میرٹ پر بات نہیں سن رہے۔ہم ہائی کورٹ کو ہدایت جاری کر دیتے ہیں کہ دائرہ اختیار پر فیصلہ جلد کرے۔مسلسل 6 سال سے یہ معاملہ لٹکا ہوا ہے۔جسٹس منصور علی شاہ نے ریمارکس دئیے کہ ریکارڈ سے ظاہر ہے کہ نیب لوکل کمیشن سے غیر حاضر رہا۔عدالت عظمیٰ نے اس موقع پر نیب کی استدعا مسترد کرتے ہوۓ قرار دیا کہ جب دائرہ اختیار پر فیصلہ ہوگا تو حکم امتناعی ازخود ختم ہو جائیگا۔
………..
