وزیر خارجہ نے اقوام متحدہ کے سیکریٹری جنرل کو میزائل کے نام نہاد بھارتی حادثاتی فائر کا معاملہ اٹھا دیا

وزیر خارجہ شاہ محمود قریشی نے اقوام متحدہ کے سیکریٹری جنرل انتونیو گوتیرس سے بات چیت کی اور ان کے ساتھ موجودہ علاقائی اور عالمی امور پر تبادلہ خیال کیا، خاص طور پر 9 مارچ کو بھارت کی جانب سے حادثاتی طور پر میزائل فائر کرکے پاکستان کی فضائی حدود کی کھلی خلاف ورزی۔کی وزیر خارجہ نے اقوام متحدہ کے سیکریٹری جنرل کو فون پر میزائل کے نام نہاد ‘حادثاتی’ فائر کے بارے میں آگاہ کیا، میزائل گرنے کے بارے میں انہوں نے ہوا بازی کی حفاظت کے ساتھ ساتھ علاقائی امن اور استحکام کے لیے بھارت کی غفلت کی عکاسی کرتا ہے.وزیر خارجہ شاہ محمود قریشی نے کہا کہ پاکستان تحمل اور ذمہ داری کا مظاہرہ کرتا رہا ہے۔بھارت کے اسٹریٹجک ہتھیاروں کے انتظام میں سنگین نوعیت کی متعدد کوتاہیوں اور تکنیکی خامیوں کا ذکر کرتے ہوئے اوزیر خارجہ نے کہا کہ یہ واقعہ بھارت کے غیر ذمہ دارانہ طرز عمل سے مطابقت رکھتا ہے اور اس معاملے کو اقوام متحدہ کی سلامتی کونسل سمیت عالمی برادری کے ذریعے حل کرنے کی ضرورت ہے۔اپنی گفتگو کے دوران وزیر خارجہ نے پاکستان کی حدود میں بھارتی میزائل گرنے کے واقع کی مشترکہ تحقیقات کے پاکستان کے مطالبے پر بھی زور دیا۔یو این سیکریٹری جنرل سے اپنی گفتگو کے دروان وزیر خارجہ شاہ محمود قریشی نے یوکرین کی صورتحال پر تبادلہ خیال کیا اور وہاں جاری تنازع، ترقی پذیر ممالک پر اس تنازع کے منفی معاشی اثرات اور مذاکرات اور سفارت کاری کے ذریعے تنازع کے حل کی حمایت میں پاکستان کی کوششوں سے متعلق پاکستان کے مؤقف سے آگاہ کیا۔گفتگو کے دوران اقوام متحدہ کے سیکریٹری جنرل انتونیو گوٹیرس نے پاکستانی وزیر خارجہ شاہ محمود قریشی کو یوکرین کی صورتحال کے تناظر میں دنیا بھر میں ہونے والی آسمان کو چھوتی مہنگائی سے نمٹنے کے لیے اقوام متحدہ کی جانب سے کیے جانے والے حالیہ اقدامات سے آگاہ کیا۔