روزنامہ تکمیل ہر خبر کی دلیل
اسلام آباد: (تکمیل نیوز) وزیراعظم عمران خان کل بروز بدھ کو جدید ترین 29 نئے سکیورٹی فیچرز والے ای پاسپورٹ کا اجراء کریں گے۔
وزیر داخلہ شیخ رشید احمد نے سماجی رابطے کی ویب سائٹ ٹویٹر پر لکھا کہ وزیراعظم کل ای پاسپورٹ کا اجراء کرینگے، نئے بائیو میٹرک پاسپورٹ میں الیکٹرانک چپ استعمال کی جائے گی، ای پاسپورٹ میں جدید ترین 29 نئے سکیورٹی فیچرز شامل کیے گئے ہیں۔
انہوں نے کہا کہ ای پاسپورٹ 2004 کے بعد پاکستانی سفری دستاویز کی سب سے بڑی اپ گریڈیشن ہے، ای پاسپورٹ سے دنیا بھر کے ائیر پورٹس پر ای گیٹ کی سہولت سے استفادہ کیا جاسکے گا، ابتدائی طور پر ای پاسپورٹ کی سہولت سفارتی اور سرکاری پاسپورٹس کے لئے ہوگی۔
