روزنامہ تکمیل ہر خبر کی دلیل
،،، خط کا تعلق براہ راست تحریک عدم اعتماد سے ہے۔ کہتے ہیں عثمان بزدار نے باعزت طریقے سے وزارت اعلی کی قربانی دی،، تحریک عدم اعتماد ناکام ہوگی، گزشتہ روز وزیراعظم کی زیر صدارت حکومتی و پارٹی ترجمانوں کا اجلاس ہوا، اجلاس میں وفاقی وزرا نے شرکت کی، ذرائع کے مطابق کے مطابق ترجمانوں کو دھمکی آمیز خط پر بریفنگ دی گئی۔ وزیراعظم نے ترجمانوں کو دھمکی آمیز خط کا معاملہ اجاگر کرنے کی ہدایت کرتے ہوئے کہا خط پاکستان کے سب سے بڑے ادارے کے سربراہ چیف جسٹس کے ساتھ شیئر کرنے کی پیشکش کردی ہے،، خط پاکستان کے خلاف سازش ہے۔ وزیراعظم کا کہنا تھا تحریک عدم اعتماد سے ایک دن پہلے خط ملا،،، خط کا براہ راست تحریک عدم اعتماد سے تعلق ہے، پارلیمنٹ کے سامنے خط اس لیے پیش نہیں کرسکتے کیونکہ اپوزیشن کو اسپیکر پر اعتبار نہیں،، تحریک عدم اعتماد ناکام ہوگی۔ وزیراعظم عمران خان کا کہنا تھا بلوچستان عوامی پارٹی کے اراکین نے رابطے شروع کردئیے ہیں جلد بلوچستان عوامی پارٹی کے اراکین کی واپسی ہوگی، آئندہ چند روز میں تمام تر صورتحال واضح ہو جائے گی۔ ذرائع کے مطابق ترجمانوں نے وزارت اعلی پنجاب ق لیگ کو دینے پر سوالات کئے جس پر وزیراعظم نے کہا ق لیگ کو وزارت اعلی دینے کا فیصلہ سوچ سمجھ کرکیا ہے،،، ن لیگ کا مقابلہ پی ٹی آئی اور ق لیگ مل کر سکتے ہیں۔ وزیراعظم کا مذید کہنا تھا بڑے مقصد کے حصول کیلئے مشکل اور بڑے فیصلے کرنے پڑتے ہیں،، عثمان بزدار نے باعزت طریقے سے وزارت اعلی کی قربانی دی، عثمان بزدار نے پی ٹی آئی کے منشور کو احسن طریقے سے اگے بڑھایا
